U Biełym domie chočuć, kab spačatku sankcyi ŭchvalili krainy Jeŭrasajuza. Krynicy Reuters u Vašynhtonie paviedamlajuć, što amierykanski pakiet mier suprać biełaruskich čynoŭnikaŭ užo hatovy, piša RBK.

Vašynhton pakul ustrymajecca ad sankcyj i nie stanie dałučacca da abmiežavańniaŭ, raniej uviedzienych Vialikabrytanijaj i Kanadaj. Pra heta paviedamlaje Reuters sa spasyłkaj na čatyry krynicy.

U aŭtorak Łondan i Atava zabaranili ŭjezd i zamarozili aktyvy Alaksandra Łukašenki, jahonaha starejšaha syna Viktara i jašče šaściarych vysokapastaŭlenych čynoŭnikaŭ.

Jak piša Reuters, ZŠA pakul nie buduć dałučacca da sankcyj, bo ŭ Biełym domie raźličvajuć na kansensus pamiž krainami jeŭrazony na pasiadžeńni Jeŭrapiejskaj Rady na hetym tydni. Raniej Kipr zabłakavaŭ jeŭrapiejskija sankcyi suprać Minska.

Клас
0
Панылы сорам
0
Ха-ха
0
Ого
0
Сумна
0
Абуральна
0