Kožnuju niadzielu, pačynajučy z 16 žniŭnia, u Minsku prachodziać masavyja maršy pratestu. Siońnia ŭžo dziaviataja takaja niadziela i 64 dzień pratestaŭ. Siłaviki siońnia abrali žorstkuju taktyku ŭ dačynieńni da pratestoŭcaŭ. Zatrymlivali i žurnalistaŭ, u tym liku traich supracoŭnikaŭ Našaj Nivy. Praz žorstki razhon na Stele siońnia sfarmavalisia niekalki kałon. Tamu składana padličyć dakładna, kolki ludziej udzielničała siońnia ŭ Maršy. Vyhladaje, što ich było nie mienš, čym minułyja razy.
19:51
19:08
Apošnija fota Nadziei Bužan, zroblenyja pierad zatrymańniem.
18:33
18:15
17:48
Na Puškinskaj zatrymali hałoŭnaha redaktara Našaj Nivy Jahora Marcinoviča razam z fatohrafam Nadziejaj Bužan.
17:46
17:31
Sotni čałaviek zastajucca na Puškinskaj. Pieryjadyčna ludzi błakujuć vulicu Prytyckaha ŭ abodvuch napramkach.
17:26
17:19
17:10
Na Kalvaryjskaj ad Kaskada da mohiłak adbyvajucca kropkavyja sutyčki i zatrymańni. Aŭtamabilisty marudziać ruch, kab nie dać prajechać siłavikam.
17:01
Razhon na Puškinskaj u fota Nadziei Bužan.
16:56
16:43
16:41
16:40
16:39
16:37
Paviedamlajuć pra hučny vybuch u rajonie Steły. Bačny dym.
16:35
Ludzi zabłakiravali darohu na Kalvaryjskaj kala mohiłak. Siłaviki, kala 100 čałaviek sa ščytami, ruchajucca nasustrač pa tratuary.
16:33
16:31
U rajonie Puškinskaj vialikaja kolkaść zatrymanych, ludzi raźbiahajucca pa dvarach.
16:30
16:29
Karespandent «Našaj Nivy» paviedamlaje, što demanstrantaŭ u rajonie Puškinskaj razhaniajuć sa stralaninaj. Pracujuć vadamioty.
16:27
16:26
Tym časam, vialikaja kałona ŭtvaryłasia na vulicy Bahdanoviča, ruchajecca ŭ bok Niamihi.
16:23
Karespandent «Našaj Nivy» paviedamlaje, što pratestoŭcaŭ akružajuć u rajonie administracyi Frunzienskaha rajona.
16:21
Vadamioty pajšli napierad kałony transpartu siłavikoŭ, jany dahaniajuć kałonu pratestoŭcaŭ. Uklučyŭsia vadamiot, palivaje ludziej la BonHatela.
16:16
16:11
Tym časam, siłaviki čamuści pierakryli vulicu Lenina.
16:10
16:04
16:03
15:56
Ludzi, jakich adciaśnili ad Steły, praz parkoŭku «Karony», vyjšli ŭ bok Kalvaryjskaj. Jany abjadnoŭvajucca z kałonaj, jakaja išła ad Ramanaŭskaj Słabady.
15:53
15:51
Kałona z tysiačy demanstrantaŭ išła sa Steły ad Praśpiekta Pieramožcaŭ ŭ bok Niamihi. Kala kinateatra «Biełaruś» i Makdonaldsa na Tanka darohu pieraharadziŭ AMAP. Ludzi iduć pa Kalvaryjskaj u bok «Karony».
15:50
Vierahodna, zatrymali žurnalistku «Našaj Nivy» Irenu Kaciałovič.
La Steły bačyli zatrymańnie dziaŭčyny sa śvietłymi vałasami ŭ kamizelcy «Presa». Ciapier Irena nie zdymaje słuchaŭku.
15:43
Ad mietro «Frunzienskaja» kałona rušyli pa Kalvaryjskaj u bok «Kaskadu».
15:42
Na praśpiekcie Mašerava, kala haścinicy «Płanieta», sabrałasia šmat ludziej. Jany stajać na darozie, skandujuć: «sabačku». Na praśpiekcie Pieramožcaŭ u dvarach zatrymańni.
15:40
Milicyja paćvierdziła vykarystańnie śviatłošumavych hranat rasijskamu «RIA Naviny». Niadaŭna admaŭlała. Raniej siłaviki taksama paćvierdzili vykarystańnie vadamiotaŭ.
15:37
Vadamiot pracuje i na Stele. Tam taksama siłaviki sa zbrojaj.
15:35
Vulicu Kamsamolskuju pierakryŭ łancuh AMAPa ŭ rajonie kinateatra «Pieramoha».
15:32
Na Niamizie ŭ rajonie KFC pracuje vadamiot. Vialikaja kolkaść ludziej ruchajecca pa Niamizie ŭ bok Haradskoha Vału.
15:30
Ź Jubilejnaj płoščy spačatku vycisnuli pratestoŭcaŭ — ludzi raźbiehlisia ŭ roznyja baki, farmujuć čarhovyja kałony, znoŭ sabralisia na Jubilejnaj, vialikaja kałona idzie ad «Karony» u bok centra.
15:28
Usiaho siońnia zatrymanyja dva dziasiatki žurnalistaŭ. U Viciebsku zatrymali Taćcianu Maćviejevu, Alesia Pileckaha, Źmitra Kazakieviča, Viačasłava Łazareviča, u Mahilovie Alesia Asipcova. U Homieli Alenu Hiermanovič, Alenu Byčkovu, Paŭła Mickieviča, u Hrodnie Marynu Charevič, Siarhiej Ludkievič, Darju Śpievak, Volhu Kamiahinu, u Breście Miłanu Charytonavu i Alesia Leŭčuka.
15:25
Kałona, što išła pa Mašerava, vyrašyła zbočyć na Zasłaŭskuju.
15:15
Demanstranty pierakryli praśpiekt Pieramožcaŭ u rajonie haścinicy «Jubilejnaja», ruchajucca ŭ bok centra.
Taksama kałona ad skryžavańnia Mašerava — Cimirazieva pajšła ŭ bok Steły.
15:12
Karespandenty «Naša Niva» paviedamlajuć, što pratestoŭcy pierakryli Mašerava ŭ rajonie skryžavańnia ź Cimirazieva. Vialikaja kałona taksama ŭtvaryłasia na Ramanaŭskaj Słabadzie.
15:10
15:02
14:58
Na Zasłaŭskaj ludzi ŭ zialonaj formie ŭ dvarach i padjezdach šukajuć pratestoŭcaŭ, karespandent @nashaniva naličyŭ kala dziasiatka zatrymanych.
14:55
Zakrytyja stancyi mietro «Frunzienskaja» i «Maładziožnaja».
14:50
14:44
Praciahvajucca žorstkija sutyčki, byŭ užyty ślezaciečny haz. Karespandent «Našaj Nivy» čuŭ adzin voplesk, ale nieviadoma, što heta było.
14:43
Da Steły pryjechali siłaviki, zahaniajuć ludziej u dvary. Dziasiatki zatrymanych.
Taksama paviedamlajecca, što la «Płaniety» adbyłasia sutyčka z supracoŭnikami HUBAZiK (ludźmi, padobnymi da bryhady Karpiankova), pratestoŭcy ich pahnali.
Tym nie mienš, usio bolš ludziej ściakajucca da Steły.
14:39
Kala budynka Fiederacyi prafsajuzaŭ na rahu praśpiektu Pieramožcaŭ i vulicy Mielnikajcie ŭ Minsku zatrymali čatyroch žurnalistaŭ. Siarod ich — fatohraf dziaržaŭnaha ahienctva BiełTA Ramil Nasibulin. Usie jany byli ŭ kamizelkach z paznakaj «Presa». Supracoŭnikaŭ ŚMI pavieźli na «pravierku dakumientaŭ».
Tym časam ludzi z krykami «Pajšoŭ von!» adhaniajuć prapahandysta STB Azaronka, jaki namahaŭsia ŭziać intervju ŭ pratestoŭcaŭ.
Zatrymali žurnalistku «Kamsamołki» Alesiu Dobyš.
14:35
Fotakarespandent «Anłajniera» Alaksandra Ružačka dasłaŭ paviedamleńnie «zabrali». Karespandenty Alaksandr Uładyka i Alaksiej Nosaŭ, jakija pracavali razam ź im, nie vychodziać na suviaź.
Zatrymali fatohrafa «Kamsamolskaj praŭdy» Śviatasłava Zorkaha.
14:25
Kala steły praciahvajucca zatrymańni. Aŭtobusy pačali zajazdžać u dvary damoŭ la steły, ludzi raźbiahajucca.
14:18
U busie z žurnalistami jedzie i lehienda biełaruskaj fatahrafii, Hieorhij Alaksandravič Lichtarovič. U mužčyny na šyi prafiesijny fotaaparat, tamu jaho i zabrali, piša Tut.by.
14:13
Karespandenty TASS Fiadosienka, Hryharaŭ i Ściapčankaŭ adpuščanyja z RUUS u Minsku paśla pravierki dakumientaŭ, paviedamlaje TASS.
13:59
U Minsku znoŭ prablemy z mabilnym internetam.
La stancyi mietro «Niamiha», a taksama la kinateatra «Maskva» zatrymanyja niekalki čałaviek.
13:55
Zatrymanyja žurnalisty Siarhiej Saciuk, Taćciana Karaviankova, Juryj Šamšur i Alena Tałkačova, Dźmitryj Dźmitryjeŭ, Nasta Bojka, Alaksiej Ivaškievič, Źmicier Mickievič. Ich viazuć u Kastryčnicki RUUS.
13:45
Kala Steły hladziać zaplečniki, paśla nadhladu niekatorych zatrymlivajuć.
13:30
Pačynajuć zakryvać stancyi mietro.
«U 13:35, u metach biaśpieki pasažyraŭ, na ŭvachod i vychad začynienyja stancyi mietro Kastryčnickaja, Kupałaŭskaja, Niamiha i Płošča Pieramohi. Ciahniki iduć biez prypynku na hetych stancyjach. Mietrapaliten prynosić prabačeńni za časovyja niazručnaści» — paviedamlaje Minski mietrapaliten.
Paźniej zakryli i ŭvachod na stancyju «płošča Lenina» z boku płoščy Niezaležnaści.
13:20
Kala «Halerei» zatrymali fotakarespandenta Natallu Fiadosienka. Taksama la «Halerei» zatrymali žurnalistaŭ TASS Haŭryiła Hryharava i Valeryja Ściepčankava.
12:55
Na praśpiekcie Pieramožcaŭ u rajonie vulicy Ihnacienki pierakryli ruch u bok Pałaca Niezaležnaści. Aŭtobusy i maršrutki pakul puskajuć.
12:31
Kala Pałaca Respubliki źjavilisia siłaviki i aharodža. Budynak KDB nievialikimi hrupkami patruluje milicyja. Pad mostam za płoščaj Niezaležnaści — sistema «Rubiež».
12:15
Steła kala Muzieja Vialikaj Ajčynnaj vajny aharodžana. Kala fiłarmonii na Jakuba Kołasa taksama zaŭvažana šmat aŭtazakaŭ i aŭtobusaŭ.
11:30
Tym časam u Minsk z samaj ranicy ściahvajecca vajennaja technika. Technika była zaŭvažana va Uruččy, Cimirazieva, Daŭhinaŭskim trakcie.
HC «Halereja», što na Pieramožcaŭ, paviedamiŭ, što budzie pracavać z 17:00. KFC na Niamizie taksama budzie pracavać z 17:00.
