Z-za vadamiota, što złamaŭsia ŭ Minsku 4 kastryčnika mierkavana z-za dziejańniaŭ pratestujučych, zaviali spravu ab hvałcie suprać supracoŭnika milicyi. Pra heta ŭ efiry telekanała STB paviedamiŭ prakuror Minska Aleh Łaŭruchin.
Spravu zaviali pa takim artykule, «pakolki za rulom hetaj śpiecmašyny znachodziŭsia supracoŭnik [orhanaŭ unutranych spraŭ]», rastłumačyŭ Łaŭruchin.
«Takim čynam, hetyja dziejańni (razukamplektavańnie), nakiravanyja na pieraškodu hetaj dziejnaści, kvalifikujucca jak hvałt u dačynieńni da supracoŭnika ŭ suviazi z vykanańniem im svaich słužbovych abaviazkaŭ», — miarkuje prakuror.