Fota Nadziei Bužan
Prynamsi 16 čałaviek z RUUSaŭ učora zabrali chutkija dapamohi. Bolšaść hetych ludziej była dastaŭlenaja ŭ Balnicu chutkaj miedycynskaj dapamohi ŭ Minsku, niekatoryja — u inšyja balnicy, paviedamlajuć pravaabaroncy z centra «Viasna».
Pa svaim charaktary padziei 11 kastryčnika ŭ Minsku nahadali 9-11 žniŭnia. Jak i tady, ludziej, u tym liku žurnalistaŭ, zatrymlivali jašče da pačatku demanstracyi, sotni ludziej byli zatrymanyja ŭ dvarach, niekatorych zatrymanych žorstka źbivali
625 — stolki proźviščaŭ zatrymanych učora demanstrantaŭ i ludziej na vulicach sabrali na hety momant pravaabaroncy. MUS jašče nie apublikavaŭ statystyku ŭčarašnich zatrymańniaŭ.
Z ulikam hetych dapoŭnienych źviestak za ŭčora, usiaho ŭ Biełarusi za čas pratestaŭ suprać falsifikacyi vybaraŭ adbyłosia, jak minimum, 14 245 zatrymańniaŭ.
«Naša Niva» atrymała hetuju ličbu, splusavaŭšy źviestki Ministerstva ŭnutranych spraŭ i pravaabaroncaŭ za asobnyja dni.
