MUS u svaim telehram-kanale paviedamlaje, što ŭ niadzielu ŭ krainie zafiksavana 25 pratesnych akcyj.

«U paraŭnańni z papiarednimi niadzielnymi šeściami kolkaść mitynhoŭcaŭ źmienšyłasia, ale pavysiłasia ahresiŭnaść natoŭpu, u jakim byli pradstaŭniki roznych radykalizavanych hrupovak (anarchisty, ultras i inš.). U MUS pryniaty nieabchodnyja miery pa padtrymańni paradku i hramadskaj biaśpiecy ich praviadzieńnia», — havorycca ŭ paviedamleńni.

«Zafiksavanyja šmatlikija fakty sutyknieńniaŭ z pravaachoŭnymi orhanami, pry hetym navat u vypadkach, nie źviazanych z zatrymańniami. Pratestoŭcy vykarystoŭvali zahadzia pryhatavanyja bity, kamiani, a taksama prystasavańni aślaplalnaha ŭździejańnia. U rajonie steły «Minsk-horad hieroj» aktyŭnaje supraćstajańnie akazała asobnaja hrupa žančyn».

Usiaho pa krainie ahulnaja kolkaść pratestoŭcaŭ skłała kala 11 tysiač čałaviek.

Za parušeńnie zakanadaŭstva ab masavych mierapryjemstvach zatrymanyja 713 hramadzian. Da razhladu ŭ sudzie spraŭ pa administracyjnych pravaparušeńniach u miescy ŭtrymańnia zatrymanych źmieščanyja 570 čałaviek, paviedamlaje MUS.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?