U pačatku vieraśnia čatyroch supracoŭnikaŭ IT-kampanii PandaDoc zatrymali i abvinavacili ŭ machlarstvie. 11 kastryčnika na volu vyjšaŭ adzin ź ich, dyrektar Dźmitryj Rabcevič. Advakat Anton Hašynski, jaki pradstaŭlaje PandaDoc, raźličvaje, što ŭžo da kanca tydnia i inšyja supracoŭniki buduć na voli, piša Tut.by.
— Toje, što vypuścili Dzimu Rabceviča ź SIZA — dobry, pazityŭny krok. Ale ŭ SIZA zastajucca jašče troje našych, jakija ni ŭ čym nie vinavatyja. Tolki vyzvaleńnie ŭsich moža pakazać hatoŭnaść uładaŭ iści na dyjałoh i šukać šlachi vychadu ź situacyi. Kampanija PandaDoc hatovaja zrabić maksimum namahańniaŭ dla taho, kab jaje supracoŭniki apynulisia na voli, — padkreśliŭ Hašynski.
Śledstva aktyŭna pracuje pa rasśledavańni hetaj spravy i vyśviatleńnia ŭsich abstavinaŭ. Zapłanavany šerah śledčych dziejańniaŭ, paśla čaho moža być pryniata rašeńnie ab źmianieńni miery strymańnia.
Jak raniej paviedamlałasia, u kampanii ličać, što abvinavačańnie nie adpaviadaje rečaisnaści. U śledčym izalatary zaraz zastajucca hałoŭny buchhałtar Julija Šardyka, mieniedžar pa praduktu Viktar Kuŭšynaŭ i HR Uładzisłaŭ Michałap.
