Žychary Minska vyšli na akcyi pratestu ŭviečary 12 kastryčnika, jany vystrojvajucca ŭ łancuhi salidarnaści. Raniej dniom u Minsku prajšoŭ Marš piensijanieraŭ, jaki razahnali siłaviki z užyvańniem śviatłošumavych patronaŭ i ślezaciečnaha hazu. Heta vyklikała novyja pratesty.
Mnohija ź ludziej u łancuhach trymajuć bieł-čyrvona-biełyja ściahi. Niekatoryja pratestoŭcy vystrojvajucca ŭ łancuhi papiarok prajeznych častak, pierakryvajučy ruch.
U pryvatnaści, ruch spyniaŭsia na MKAD, praśpiektach Niezaležnaści, Pieramožcaŭ, Dziaržynskaha i Rakasoŭskaha, Łahojskim trakcie, vulicach Cimirazieva, Prytyckaha, Kalvaryjskaj i Kujbyšava, u Šabanach.
U mikrarajonie Kamiennaja Horka pratestoŭcy vystavili darožnyja aharodžy i konusy papiarok prajeznaj častki.
Milicyja ŭžyvała śviatłošumavyja pryłady ŭ Kamiennaj Horcy, Sierabrancy, kala «Ryhi» nieadnarazova.
Udzielniki akcyi pratestu taksama padpalvali pokryŭki, raskładzienyja papiarok prajeznaj častki.
