Śviatłana Cichanoŭskaja ŭ svaim telehram-kanale abviaściła «narodny ŭltymatum» i zaklikała ŭłady vykanać try patrabavańni.

Jana zajaviła, što dva miesiacy tamu ludzi prahałasavali na vybarach, a potym «vyjšli na vulicy, kab viarnuć svaje hałasy, i atrymali za heta kuli, dubinki, turemnyja kamiery i cyničnuju chłuśniu.

Na siońniašni dzień situacyja pahoršyłasia: «vy sadžali nas zaŭsiody, a ciapier stali sadžać jašče bolš. Vy zapałochvali nas zaŭsiody, a ciapier stali zapałochvać jašče bolš. Vy zaŭsiody bili mužčyn, a ciapier bjacie jašče žančyn, dziaciej i starych. Nie sprabujcie vydavać heta za dyjałoh. Heta dziaržaŭny teror»»

«Prajšło dva miesiacy palityčnaha kryzisu, hvałtu i biezzakońnia — i z nas chopić. 25 kastryčnika my abjaŭlajem Narodny ultymatum», — havorycca ŭ zajavie.

Jana ahučyła try patrabavańni da ŭłady:

1. Łukašenka pavinien abviaścić pra sychod.

2. Hvałt na vulicach pavinien spynicca całkam.

3. Usie palitviaźni pavinny być vyzvalenyja.

«Kali da 25 kastryčnika patrabavańni nie buduć vykananyja, usia kraina mirna vyjdzie na vulicy z Narodnym ultymatumam», — zajaŭlaje Cichanoŭskaja.

Клас
Панылы сорам
Ха-ха
Ого
Сумна
Абуральна