Na mirnym maršy pratestu suprać vynikaŭ prezidenckich vybaraŭ 11 kastryčnika ŭ Viciebsku zatrymali doktara-niejrachirurha abłasnoj balnicy Antona Erdmana. U Kastryčnickim RAUS na jaho skłali pratakoł pa artykule 23.34 i advieźli ŭ SIZA. Sud adbyŭsia 13 kastryčnika — dali 5 bazavych (135 rubloŭ), piša Tut.by.
Antonu Erdmanu 48 hadoŭ, jon pracuje niejrachirurham u abłasnoj kliničnaj balnicy.
— Anton — dobry śpiecyjalist. U niejrachirurhii časta pastupajuć dzieci, i jon šmat ź imi pracuje, i ŭ jaho heta dobra atrymlivajecca. Heta doktar, jaki lubić svaju prafiesiju, jon joj addany, nie baicca ni karanavirusa, ničoha: chodzić u «čyrvonuju» zonu, bo adkazny čałaviek, — raspaviała kaleha Antona Erdmana, doktar-defiektołah Maryna Ślapcova.
U niadzielu Antona zatrymali na mirnym vuličnym šeści, dastavili ŭ Kastryčnicki RAUS. Viečaram pieravieźli ŭ SIZA.
Paśla abiedu ŭ aŭtorak stała viadoma, što Erdmana asudzili i dali jamu 5 bazavych (135 rubloŭ) štrafu.
Pavodle infarmacyi telehram-kanała «Biełyja chałaty», 11 kastryčnika ŭ Biełarusi zatrymali bolš za 10 daktaroŭ.
