Uładzimier Šypiła (u centry) padčas siadziačaha pratestu navukoŭcaŭ, 13 kastrynika
Antrapolaha Ŭładzimiera Šypiłu zatrymali 13 kastryčnika paśla siadziačaha pratestu supracoŭnikaŭ Akademii navuk. Hetuju infarmacyju «Svabodzie» paćvierdzili try kalehi Šypiły.
Na momant publikacyi miescaznachodžańnie Šypiły nieviadomaje. Sa słovaŭ supracoŭnikaŭ Instytutu historyi NAN, paśla zatrymańnia Šypiłu pavieźli ŭ Pieršamajskaje RUUS. Paćvierdzić hetuju infarmacyju nie ŭdałosia, u milicyi nie zdymajuć słuchaŭku.
Supracoŭniki Akademii navuk 13 kastryčnika ŭ pierapynku na abied tradycyjna vyšli na siadziačy pratest, kab vystupić suprać hvałtoŭnaha razhonu akcyj pratestu napiaredadni. Udzielnikaŭ akcyi zdymali z busa.
Navukoŭcy stali razychodzicca z prystupak prezydyjumu AN u siaredzinie abiedu. Šypiła razam z kalehami pajšoŭ u bok Instytutu historyi na vulicy Akademičnaj, raskazaŭ «Svabodzie» vidavočca zatrymańnia. Da navukoŭcaŭ pa sustrečnaj pałasie, a paśla pa chodniku padjechaŭ bus, navukoŭcy raźbiehlisia. Šypiła spačatku pabieh nazad u bok prezydyjumu Akademii navuk, a paśla ŭ bok Instytutu historyi.
Kalehi ź Instytutu historyi nie razumiejuć, čamu paśla akcyi schapili tolki Šypiłu. Dla antrapolaha źbirajuć pieradaču i šukajuć advakata. Piać navukoŭcaŭ adreahavali na zatrymańnie kalehi maŭklivaj akcyjaj na prystupkach prezydyjumu Akademii navuk.
Sa słovaŭ supracoŭnika Instytutu historyi, kiraŭnictva instytutu i Akademii navuk niezadavolenaje akcyjami pratestu. Navukoŭcam pahražajuć, što nie praciahnuć kantrakty.
