13 kastryčnika źmienienaja miera strymańnia dvum fihurantam spravy PandaDoc — hałoŭny buchhałtar Julija Šardyka i HR Uładzisłaŭ Michałap siońnia viarnucca dadomu, piša Tut.by.

Raniej vyjšaŭ dyrektar minskaha ofisa kampanii Dźmitryj Rabcevič, jaki byŭ siarod udzielnikaŭ sustrečy z Alaksandram Łukašenkam u SIZA KDB. Trom fihurantam abranaja miera strymańnia ŭ vyhladzie padpiski ab niavyjeździe, pad vartaj zastajecca jašče adzin supracoŭnik PandaDoc — mieniedžar pa pradukcie Viktar Kuŭšynaŭ.

11 vieraśnia ŭsim čaćviarym zatrymanym było pradjaŭlenaje abvinavačvańnie ŭ machlarstvie, ździejśnienym arhanizavanaj hrupaj albo ŭ asabliva bujnym pamiery (č. 4 artykuła 209 KK), choć pieršapačatkova havorka išła ab kryminalnaj spravie pa fakcie kradziažu ź biudžetu 107 tysiač rubloŭ (č. 4 art. 210 KK). Fihuranty vinu nie pryznali.

13 kastryčnika źmienienaja miera strymańnia na padpisku ab niavyjeździe hałoŭnamu buchhałtaru kampanii Julii Šardyka i HR Uładzisłavu Michałapu. Jak paviedamlajuć advakaty, u najbližejšy čas jany buduć doma.

Pieršym na volu vyjšaŭ dyrektar minskaha ofisa Dźmitryj Rabcevič, heta adbyłosia 11 kastryčnika, na nastupny dzień paśla vizitu Alaksandra Łukašenki ŭ SIZA KDB, na toj sustrečy byŭ i Dźmitryj. Paśla vyzvaleńnia ŭ efiry BT jon zajaviŭ, što jamu daručyli rychtavać prapanovy da papravak u Kanstytucyju i vykłaści padychody pa vyzvaleńni šerahu asob, jakija «apynulisia nie tak hramadska niebiaśpiečnymi dla našaj krainy, jak zdavalisia na pieršym etapie».

Pakul pad vartaj zastajecca supracoŭnik PandaDoc — mieniedžar pa pradukcie Viktar Kuŭšynaŭ. Adnak advakaty zajaŭlajuć, što robiać usio mahčymaje, kab jamu taksama źmianili mieru strymańnia, nie źviazanuju z utrymańniem pad vartaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?