Hieorhija Pamiarancava zatrymali ŭ niadzielu na praspekcie Mašerava ŭ Miensku. Kali jon razam z žonkaj i synam išli pa vulicy, pobač spynilisia mikraaŭtobusy i AMAPaŭcy pačali chapać ludziej navokał, piša Radyjo Svaboda.

— Kali schapili mianie, tata sprabavaŭ vychapić mianie z ruk AMAPaŭcaŭ i jaho taksama zatrymali, — paćvierdziŭ Svabodzie syn Pamiarancava.

Usiu siamju dastavili aŭtazakam u RUUS. Syna adpuścili praz 7 hadzin, maci praz 13. Samomu Pamiarancavu prysudzili 13 sutak aryštu.

Siem miesiacaŭ, da studzienia 2016 hodu, Pamiarancaŭ uznačalvaŭ Nacyjanalnaje ahienctva pa turyźmie. Adnoj z pryčynaŭ sychodu stała «niavyznačanaść roli ahienctva i adsutnaść mahčymaści ŭpłyvać na raźvićcio turystyčnaj haliny». Ale hałoŭnaj pryčynaj stała toje, što biełaruskaje zakanadaŭstva zabaraniaje čynoŭnikam mieć rachunki za miažoj i ŭłasny biznes.

Da hetaha Pamiarancaŭ byŭ top-menedžeram u kampanijach u Łatvii, Rasiei i Hruzii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?