Pra heta ŭ sieradu zajaviŭ ministr zamiežnych spraŭ RF Siarhiej Łaŭroŭ u intervju radyjostancyjam «Sputnik», «Kamsamolskaja praŭda» i «Havoryć Maskva», piša TASS.
«My pierakananyja, što ŭsie sproby ich [krainy Zachadu] asprečyć vybary i skazać, što tam było mienš adsotkaŭ [za Alaksandra Łukašenku], z boku našych zachodnich partnioraŭ, jakija patrabujuć, kab my ciapier pahadzilisia na zaprašeńnie ABSIE, jakoje budzie razrulvać hetuju situacyju, — heta ŭsio ž taki sproby ź niedastojnymi srodkami», — skazaŭ jon.
Razam z tym Łaŭroŭ skazaŭ, što milicyja Biełarusi pavinna dziejničać u ramkach zakona i reahavać praparcyjna.
«Kali my ŭsie zacikaŭlenyja ŭ tym, kab biełaruski narod byŭ adziny i kvitnieŭ, my pavinny spynić jakija-niebudź ultymatumy z čyjho b tam ni było boku, pavinny spynić sproby hvałtoŭnych pratestaŭ i, viadoma, pavinny zaklikać da taho, kab i pravaachoŭnyja orhany taksama kiravalisia zakonam i reahavali praparcyjna», — skazaŭ jon.
