Staršynia Savieta Fiederacyi RF Valancina Maćvijenka ŭ intervju TASS prakamientavała situacyju ŭ Biełarusi.
«Pierš za ŭsio ja chaču skazać, što situacyja ŭ Biełarusi, viadoma ž, niaprostaja, ale Alaksandr Łukašenka zajaviŭ ab nieabchodnaści kanstytucyjnaj reformy. Ja, naprykład, stanoŭča staŭlusia da samoha faktu jahonaj sustrečy ź ludźmi apazicyjnych pohladaŭ, jakija majuć svoj punkt hledžańnia na raźvićcio krainy. Treba ź imi taksama abaviazkova vieści dyjałoh i dałučać ich da hetaj kanstytucyjnaj reformy», — skazała jana.
«Jakaja pavinna być Kanstytucyja, jakim pavinien być vybar raźvićcia krainy — vyrašać tolki narodu Biełarusi i nikomu inšamu. Kali ŭ nas paprosiać parady, my vykažam svajo mierkavańnie», — dadała śpikier Savieta Fiederacyi RF.
«My vielmi supieražyvajem z-za taho, što adbyvajecca, vielmi turbujemsia, kab nie było dalejšaj radykalizacyi, dalejšaha ŭzmacnieńnia supraćstajańnia, tamu što ŭ pieršuju čarhu heta adabjecca na žyćciovym uzroŭni ludziej, na ich dabrabycie», — skazała Maćvijenka.
Na dumku sienatara, lubyja adkaznyja palityki i partyi, navat kali jany prytrymlivajucca inšych pohladaŭ, «pavinny razumieć, što demakratyja — heta pieramovy, heta praces, heta parłamient, jaki adlustroŭvaje volu naroda, heta vybary». «Voś heta ŭsio treba abmiarkoŭvać, a nie toje, jak radykalizavać situacyju z mahčymymi, nie daj boh, achviarami i ciažkimi nastupstvami dla krainy. Voś heta niedapuščalna», — skazała Maćvijenka.
