Kamanda «tajemnych pakupnikoŭ» adsočvaje ceny na bolš čym 30 tysiač najmieńniaŭ tavaraŭ u šaści handlovych sietkach, a taksama na amal 50 tysiač tavaraŭ, pradstaŭlenych u papularnych anłajn-kramach. Samyja darahija pradukty vyznačyli siarod usiaho asartymientu, vyklučyŭšy z vybarki ałkahol i niejadomyja tavary.
Samaj darahoj dla pakupnikoŭ akazałasia čornaja asiatrovaja ikra. Cana na jaje ŭ zaležnaści ad sietki varjirujecca ad 193 da 285 rubloŭ za 100 hramaŭ. Darahimi apynulisia i kansiervy ź miasa kraba. U Minsku za blašanku z kamčackim delikatesam ŭ tracinu kiło prosiać pad 145 rubloŭ.
U top-list uvajšli i zamarožanyja morapradukty. Tak, karaleŭskija krevietki ŭ pancyry kaštujuć ad 30 da 66 rubloŭ, a zamarožanyja marskija hrabieńčyki - 53 rubli. Doraha abychodzicca biełarusam i marmurovaja jałavičyna - amal 35 rubloŭ za stiejk «Rybaj». Amal kiłahramovaja vyrazka haradzienskaha «chamona» acenienaja pa-ispansku - na 41 rubiel. Uražvaje cana i na bielhijski šakaład, u tym liku nabor cukierak za 55 rubloŭ.
U rejtynh taksama ŭvajšli stejki z čyrvonaj ryby (ad 17 da 33 rubloŭ), łustački parmiezanu (ad 4 da 10 rubloŭ) i file indyčki (ad 13 da 18 rubloŭ za kiło). Sustrakajucca ŭ staličnym rytejła pradukty i daražej, ale pradstaŭleny vielmi vybarča.
Kamanda Infoprice.by pastajanna abnaŭlaje ceny na tavary. Pakul servis źbiraje ceny tolki ŭ hipiermarkietach Minska, ale dadzienyja aktualnyja i dla rehijonaŭ, a ŭ novym raździele Internet-kram ceny źbirajuć pa ŭsioj Biełarusi. Vyvučać ceny možna na sajcie servisu abo z dapamohaj prykładańniaŭ na Android i iOS. Raspracoŭščyki taksama zapuścili smart-košyk dla paraŭnańnia vynikovych čekaŭ na nabory praduktaŭ i «razumny skanier» u mabilnym dadatku, jaki skanuje štrychkod tavaru i paraŭnoŭvaje ceny na pradukt u roznych sietkach.
