«My ŭsiaho tolki spyniajem supraćpraŭnyja dziejańni, — zajaviŭ načalnik minskaj milicyi Ivan Kubrakoŭ. — Kali hramadzianie pierastanuć vychodzić na vulicy i parušać zakon, «tady nie budzie ni prymianieńnia fizičnaj siły, ni padstaŭ dla prymianieńnia śpiecsrodkaŭ».
Prykładna 50-60% zatrymanych padčas vuličnych akcyj «pravakataraŭ» raniej užo byli sudzimyja. Takija ličby ŭ prahramie «Markaŭ. Ničoha asabistaha» na ANT pryvioŭ Ivan Kubrakoŭ.
Fota Nadziei Bužan
«Kali kazać pra ahulnuju kolkaść zatrymanych za ŭdzieł u niesankcyjanavanych masavych mierapryjemstvach, to raniej sudzimych dzieści 15%. Kali kazać pra tuju hrupu, jakaja pravakuje i ździajśniaje złačynstvy, to ich dzieści 50-60%», — adznačyŭ Ivan Kubrakoŭ.
Načalnik staličnaj milicyi taksama zapeŭnivaje, što niekatoryja zatrymanyja pryznajucca ŭ atrymańni hrošaj za ŭdzieł u akcyi.
«Ale kankretyku ja ciapier skazać nie mahu, tamu što idzie rasśledavańnie, pravierka niekatoraj infarmacyi. Ale takija fakty, što hetyja pratesty apłačvajucca, sapraŭdy jość», — zajaviŭ Ivan Kubrakoŭ.
«Niedziaržaŭnyja ŚMI, telehram-kanały paviedamlajuć tolki toje, što im vyhadna, sprabujuć pradstavić supracoŭnikaŭ orhanaŭ unutranych spraŭ toj siłaj, jakaja prajaŭlaje žorstkaść peŭnuju i hetak dalej», — skazaŭ Kubrakoŭ.
Kubrakoŭ adznačyŭ: «Dyk voś, ja chaču z upeŭnienaściu skazać, usie orhany ŭnutranych spraŭ, usia minskaja milicyja suprać hvałtu. My ŭsiaho tolki spyniajem supraćpraŭnyja dziejańni».
Načalnik minskaj milicyi zajaviŭ, što kali hramadzianie pierastanuć vychodzić na vulicy i parušać zakon, «tady nie budzie ni prymianieńnia fizičnaj siły, ni padstaŭ dla prymianieńnia śpiecsrodkaŭ».
Pratesty ŭ Biełarusi pačalisia paśla vybaraŭ 9 žniŭnia, jakija mnohija ličać tatalna sfalsifikavanymi. Ludzi ličać supracoŭnikaŭ milicyi datyčnymi da falsifikacyj, tamu što mienavita jany vydalali i zatrymlivali niezaležnych naziralnikaŭ, a taksama žorstka razhaniali ludziej, jakija čakali vynikaŭ padliku hałasoŭ la vybarčych učastkaŭ. Mienavita paśla hetaha ludzi masava vyjšli na vulicy.
Pratesty stali asabliva masavymi, na vulicy stali vychodzić sotni tysiač ludziej, paśla taho jak čatyry demanstranty zahinuli i źjavilisia sotni śviedčańniaŭ pra źvierskaje źbićcio ludziej u aŭtazakach, RUUSach i na Akreścina.
