Staršyniu filijała niepryznanaha dziaržavaj Sajuza palakaŭ Biełarusi ŭ Lidzie Irenu Biarnackuju aštrafavali na 810 rubloŭ, paviedamlaje «Radyjo Svaboda».
Sud Lidskaha rajona 16 kastryčnika pryznaŭ jaje vinavataj va ŭdziele ŭ niedazvolenym masavym mierapryjemstvie 1 vieraśnia.
Irena Biarnackaja razam z paplečnikami ad 12 žniŭnia maliłasia kala Farnaha kaścioła ŭ Lidzie za Biełaruś. Vierniki stanavilisia na kaleni kala kryža i pravodzili nabaženstva.
Fota z fejsbuka Anžaliki Borys
Kali mitrapalita Tadevuša Kandrusieviča nie puścili ŭ Biełaruś, kataliki stali malicca taksama ab tym, kab ijerarch jak maha chutčej viarnuŭsia na radzimu.
Sud nad Irenaj Biarnackaj pačaŭsia ŭ kancy vieraśnia. Spravu addavali na dapracoŭku, sudovaje pasiadžeńnie pieranosili.
Za ŭdzieł u malitvie kala lidskaha kaścioła raniej aštrafavali taksama Alaksandra Zaletava.
