Supracoŭnik AMAP HUUS Minharvykankama Andrej Biekiš padaŭ u sud na «Našu Nivu». Jon ličyć, što ŭ internecie byli raspaŭsiudžanyja źviestki, jakija hańbiać jaho honar, hodnaść i dziełavuju reputacyju.
Andrej Biekiš u čornaj mascy ŭ centry fota
Imia siłavika ŭ lipieni 2020 hoda apublikavaŭ błohier Niechta. Tady brutalnyja źbićci na vulicach jašče byli davoli redkimi, tamu mnohija źviarnuli ŭvahu na chłopca ŭ cyvilnym, jaki prymaŭ udzieł u žorstkim zatrymańni hramadzianina. Hety chłopiec u mascy akazaŭsia amapaŭcam.
Adnakłaśniki Biekiša raskazali karespandentu «Našaj Nivy» svaje ŭražańni ad sumiesnaj vučoby. Adnak amapaviec ličyć, što hetyja mierkavańni «naŭmysna skažonyja z metaj stvareńnia niehatyŭnaha staŭleńnia» da jaho.
U suviazi z hetym Andrej Biekiš choča atrymać 3000 rubloŭ za «maralnyja pieražyvańni, źviazanyja z prynižeńniem jaho jak asoby».
Pasiadžeńnie Maskoŭskaha suda Minska pryznačana na 25 listapada.
