Pa viartańni na radzimu ź Jehipta praz Ukrainu hamielčuka Paŭła pry pierasiačeńni miažy ŭ punkcie propusku Novaja Huta staranna ahledzieli. Na mytni mužčynu zabaranili pravozić suvienirnyja mahnity i statuetki, 1 z 2 litraŭ ałkaholu, zapiačatanyja ŭ pakiet z Duty Free. Pry hetym uvozić u Biełaruś pa mytnych praviłach možna try litry ałkaholnych napojaŭ. Takija dziejańni mytnikaŭ Pavieł źviazvaje z administracyjnym pakarańniem pa ŭžo narodnym artykule 23.34 (parušeńnie paradku arhanizacyi abo praviadzieńnia masavych mierapryjemstvaŭ), piša Fłahštok.
Inśpiektar pryznaŭ mahnity nie rečami asabistaha karystańnia.
«Mianie prosta nie puścili ź imi ŭ Biełaruś, pravodzili ŭ niejtralnuju zonu i skazali vyrašać tam, što ź imi rabić. U vyniku ich pryjšłosia vykinuć.
Na mytni ja ŭ vyniku pravioŭ bolš za 10 hadzin. Za hety čas pahutaryŭ z kiroŭcam tranśfieru, jaki raspavioŭ, što zaraz zaŭsiody tak z apazicyjaj. I z mužčynam, jaki vioz 3 litry vina, adzin litr jamu taksama ŭvozić zabaranili», — kaža mužčyna.
