U HZC «Tytan» kala stancyi mietro «Piatroŭščyna» ceny z ranicy źniziać kala 150 rytejleraŭ. Rasprodažy zakranuć kramy adzieńnia, abutku, dziciačych tavaraŭ, kaśmietyki i juvielirnych vyrabaŭ. Tak, u Sister's źnižki buduć dasiahać 70%, a za paŭcany prapanujuć džempiery, kardyhany i švedry. U Belbau dyskont budzie jašče vyšejšy — da 80%, zaadno mocna patańnieje adzieńnie ŭ Lubawa, Woodman i Enrico. Ceny na krasoŭki ŭ Good Shop ŭpaduć da 70%, a ŭ Megatop stolki ž skinuć na kožnuju druhuju paru. U svaju čarhu «5 elemient» prapanuje devajsy z dyskontam da 50%.
Dziciačyja tavary patańniejuć u bolš čym 30 kramach. Tak, «Buslik», Mothercare, «SupierDietki», Bembi i Niania skinuć ceny da 50%, a Shagovita — da 70%. Inšyja brendy apuściać da 40% ceny na cacki, knihi i dziciačy abutak. «Čornaja piatnica» zakranie i zabaŭki. Za paŭkoštu možna budzie schadzić u kantaktny zaapark, dziciačy łabirynt, 5D-kinateatr i łazierny cir.
U HZC «Civali» na «Spartyŭnaj» rasprodažy z dyskontam da 70% zładziać kala 200 brendaŭ. Siarod ich - Serge, Megatop, Marko, Belarusachka, Lubawa, Petek, Joma, Paradis, «Kalinka» i «Kupalinka». Ź dziciačych kram da 50% prapanujuć zekanomić «Śviet kubikaŭ», Babystyle, «Ružovy słon», «Franciška» i «Cik-Top». «Čornaja piatnica» taksama nastupić u bucikach i sałonach kaśmietyki. Da 70% skinuć i interjernyja kramy.
U padziemnym HC «Trum» na Kalvaryjskaj vulicy projdzie meblevaja «čornaja piatnica», pryčym viačerniaja — z 17 da 21 hadzin. Patańniejuć kresły, kanapy, łožki, matracy, stały, dźviery i santechnika. Ceny źniziać «Kanapa Divanyč», «Edelviejs», Letto.by, «Damavier», Askona, Alta, Vegas, sałon Venue, «Miebiel71» i inš. Źnižki buduć dachodzić da 70% na vystavačnyja ŭzory i tavary z katałoha.
«Ciapier «čornaja piatnica» stała vielmi papularnym farmatam ŭ Biełarusi. Amal kožny tydzień jaje niechta abjaŭlaje. Adnak sapraŭdnaja «čornaja piatnica» prachodzić u apošniuju piatnicu listapada - hetaja tradycyja zaradziłasia ŭ ZŠA jašče ŭ 60-ch hadach minułaha stahodździa. Tak što i Minsk dałučycca da suśvietnych rasprodažu 27 listapada. Mnohija handlovyja sietki i pradaŭcy źbirajucca dać vielmi nizkija ceny, kab abnavić kalekcyi i pryciahnuć novych pakupnikoŭ», — adznačajuć arhanizatary.
