U studenta, jaki pamior, byŭ prystup epilepsii. Pra heta infarmuje pres-słužba Ministerstva achovy zdaroŭja Biełarusi.
Pa źviestkach viedamstva, zahinuły — treciakurśnik Akademii muzyki. Z 18 listapada małady čałaviek znachodziŭsia na karancinie ŭ izalatary internata BNTU, bo ŭ jaho dyjahnastavali karanavirusnuju infiekcyju.
U 04:00 25 listapada chłopcu stała drenna. Jamu vyklikali chutkuju dapamohu. U internat prybyła reanimacyjnaja bryhada, miedyki prystupili da reanimacyjnych dziejańniaŭ, adnak vyratavać studenta nie ŭdałosia.
— Pa słovach vidavočcaŭ, u studenta raźviŭsia prystup epilepsii. Dakładnyja pryčyny ciapier vyśviatlajucca, — adznačyli ŭ Ministerstvie.
Taksama ŭ viedamstvie pryviali słovy zahadčyka kafiedry infiekcyjnych chvarob i dziciačych infiekcyj BiełMAPA Juryja Horbiča pra toje, što pry COVID-19 mahčyma paražeńnie centralnaj niervovaj sistemy: pačynajučy ad minimalnych prajavaŭ pa typu depresii i zakančvajučy raźvićciom ciažkich paražeńniaŭ centralnych adździełaŭ niervovaj sistemy — encefalitaŭ i mieninhaenciefalita.
