Fota Nadziei Bužan

Fota Nadziei Bužan

Syn pieršaha kiraŭnika niezaležnaj Biełarusi Stanisłava Šuškieviča zaraziŭsia karanavirusnaj infiekcyjaj, kali adbyvaŭ 10-sutačny aryšt u žodzinskim izalatary. Žonka palityka Iryna zaraziłasia ad syna, kali pajechała zabirać jaho paśla adsiedki, piša Jeŭraradyjo. 

Ciapier 86-hadovy Šuškievič na žorstkaj samaizalacyi ad rodnych, bo jon u «hrupie ryzyki» pa COVID-19.

Jon raskazaŭ, što zastaŭsia ŭ kvatery adzin i nie vychodzić ź jaje.

— Syn u turmie padčapiŭ karanavirus, zaraziŭ maci. Ciapier jany ŭ inšaj kvatery, a ja ŭ hetaj — na režymie samaizalacyi. Syn užo, zdajecca, pierachvareŭ, a žonka chvareje.

Analizy pakazali, što i ŭ adnym, i ŭ druhim vypadku byŭ COVID-19. Žonka try dni adčuvała siabie vielmi drenna. Syn pieranios paraŭnalna lohka.

U kamiery, dzie siadzieŭ syn Šuškieviča, chvareła dziesiać čałaviek

— Syn raskazvaŭ, što ŭ Žodzinie stavilisia pa-ludsku, na Akreścina — pa-bandycku.

Stanisłaŭ Šuškievič, jamu 15 śniežnia spoŭniłasia 86 hadoŭ, pakul što nie maje namieru vychodzić u ludzi: ryzyka zarazicca vysokaja.

— Kali ja padčaplu karanavirus, to mnie kaniec. Tamu pakul što płanuju być na žorstkaj samaizalacyi. Kali pačniecca vakcynacyja, to vyjdu, a tak navat vychodzić nie chaču. U mianie akramia pahrozy karanavirusa kardyjałahičnych chapaje i inšych prablem, mnie ŭsio ž taki 86 hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0