Sud Haradockaha rajona 15 śniežnia asudziŭ 33-hadovaha rabočaha Mikałaja Čarniaŭskaha na paŭtary hady kałonii ahulnaha režymu za pahrozy i abrazu supracoŭnika MUS. Sudździa Alaksandr Laškovič pryznaŭ mužčynu vinavatym pavodle art. 369 KK («Abraza pradstaŭnika ŭłady») i art. 365 KK («Umiašańnie ŭ dziejnaść supracoŭnika ŭnutranych spraŭ»). Paciarpiełamu milicyjanieru vypłacili maralnuju škodu ŭ 500 rubloŭ. Pra heta paviedamlaje «Viciebskaja viasna».

Maci asudžanaha Ludmiła ŭ razmovie z «Viciebskaj Viasnoj» zapeŭniła, što nijakich pahrozaŭ jaje syn u internecie nie vykazvaŭ i ŭ dziejnaść supracoŭnika nie ŭmiešvaŭsia, a što da źniavahi, była ŭžytaja fraza «Ur…d v pohonach».

«I heta było nie naŭprost skazana, a ŭ razmovie z kimści ŭ čacie. Biez anijakich maciukoŭ. Na sudzie Mikałaj ščyra prasiŭ prabačeńnia za hetyja słovy. A toj paciarpieły supracoŭnik kaža: «Jak čałaviek ja tabie prabačaju, ale jak milicyjanier — nie», — raskazała maci asudžanaha.

Jana taksama paviedamiła, što paciarpieły prasiŭ sud zadavolić pazoŭ ab kampiensacyi za maralnuju škodu — 500 rubloŭ. Hetuju sumu jamu zapłacili jašče da abviaščeńnia prysudu.

Jana pracuje nastaŭnicaj i žyvie razam z 77-hadovaj mamaj, babulaj Mikałaja. Pryznajecca: kab apłacić advakata, była vymušanaja pradać usie svaje załatyja ŭpryhožańni.

Клас
0
Панылы сорам
0
Ха-ха
0
Ого
0
Сумна
0
Абуральна
0