U Žłobinie 18 śniežnia sudzili mužčynu, jaki ŭčyniŭ najezd na milicyjaniera. Sud pryznaŭ jaho vinavatym u hvałcie ŭ dačynieńni da supracoŭnika orhanaŭ unutranych spraŭ i pryznačyŭ pakarańnie ŭ vyhladzie 4 hadoŭ pazbaŭleńnia voli ŭ kałonii ahulnaha režymu. Zdareńnie adbyłosia 11 žniŭnia kala hadziny nočy, paviedamlaje UUS.

27-hadovy mužčyna za rulom «Falksvahiena» praihnaravaŭ patrabavańnie ab spynieńni. Siłaviki pasprabavali spynić kiroŭcu, adnak jon pačaŭ ruch zadnim chodam. U vyniku adzin ź milicyjanieraŭ atrymaŭ cialesnyja paškodžańni.

Sud taksama pryznačyŭ vypłatu kampiensacyi maralnaj škody milicyjanieru ŭ pamiery 1500 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0