Uładź Lankievič. Fota Jahora Babija
Minski haradski sud admianiŭ prysud u 15 sutak, pryznačany paetu i muzyku Uładziu Lankieviču, piša Jeŭraradyjo.
Praŭda, tyja 15 sutak skončylisia akurat siońnia: Lankievič, jaki adsiedzieŭ «ad zvanka da zvanka», vychodzić ź izalatara ŭ Baranavičach.
Uładź Lankievič — paet, muzyka hurtoŭ Partyzanski praspekt i luty sakavik. Jaho zatrymali 6 śniežnia padčas pratesnaj akcyi. Na nastupny dzień sudździa Kastryčnickaha rajona Alaksandr Rudenka pryznaŭ jaho vinavatym u «parušeńni paradku arhanizacyi i praviadzieńnia masavych mierapryjemstvaŭ» i ŭ «niepadparadkavańni zakonnym patrabavańniam słužbovaj asoby».
Dla Lankieviča heta druhi aryšt za čas pratestaŭ. Pieršyja 6 sutak administracyjnaha aryštu jon adbyŭ u vieraśni.