Hienprakuratura zaviała kryminalnuju spravu ŭ dačynieńni da byłoha pasła Biełarusi ŭ Arhiencinie Uładzimira Astapienki, jamu inkryminavany kradziež šlacham złoŭžyvańnia słužbovymi paŭnamoctvami.
Uładzimir Astapienka (sprava). Fota: MZS Biełarusi.
Dypłamata abvinavačvajuć u prysvajeńni $2393, što nibyta pryčyniła škodu ambasadzie Biełarusi ŭ Arhiencinie.
Nahadajem, Uładzimir Astapienka padaŭ u adstaŭku ŭ dzień inaŭhuracyi Alaksandra Łukašenki, 23 vieraśnia, zajaviŭšy, što vieryć «u lepšuju budučyniu dla biełaruskaha naroda». 27 kastryčnika ambasadar adklikaŭ hetuju zajavu i padaŭ novuju, u jakoj zapatrabavaŭ svajho zvalnieńnia sa spasyłkaj na artykuł 41 Pracoŭnaha kodeksa ŭ suviazi z parušeńniem najmalnikam zakanadaŭstva. U im jon taksama padkreśliŭ, što ceły šerah dziejańniaŭ najmalnika stvaraje abjektyŭnyja ŭmovy dla niepryznańnia lehitymnaści kiraŭnika dziaržavy i mižnarodnaj izalacyi Biełarusi.
3 listapada Łukašenka padpisaŭ ukaz ab zvalnieńni Astapienki i pazbaŭleńni jaho dypłamatyčnaha ranhu «u suviazi z učynieńniem praviny, niesumiaščalnaj sa znachodžańniem na dypłamatyčnaj słužbie».
