Apublikavanaja rasijskim apazicyjanieram Alaksiejem Navalnym telefonnaja razmova ź jaho mahčymym atručalnikam źjaŭlajecca padrobkaj, zapeŭnivaje FSB.
«Videarolik z telefonnym razmovaj źjaŭlajecca padrobkaj. Vykarystańnie sposabu padmieny numara abanienta — viadomy pryjom zamiežnych śpiecsłužbaŭ, raniej nie raz aprabavany ŭ antyrasijskich akcyjach, jaki dazvalaje vyklučyć mahčymaść vyśviatleńnia realnych udzielnikaŭ razmovy», — havorycca ŭ paviedamleńni rasijskaj śpiecsłužby.
U FSB taksama dadali, što rasśledavańnie ab mierkavanaj datyčnaści supracoŭnikaŭ FSB da atručvańnia Navalnaha źjaŭlajecca spłanavanaj pravakacyjaj suprać rasijskaj śpiecsłužby.
14 śniežnia žurnalisty niekalkich vydańniaŭ vypuścili rasśledavańnie, u jakim havaryłasia, što Alaksieja Navalnaha mahła atrucić hrupa supracoŭnikaŭ FSB, jakija sačyli za im niekalki hadoŭ. Siarod mierkavanych udzielnikaŭ atručvańnia byŭ nazvany Kanstancin Kudraŭcaŭ.
21 śniežnia Navalny vypuściŭ rolik, u jakim śćviardžałasia, što jon pahavaryŭ pa telefonie z Kanstancinam Kudraŭcavym, pradstaviŭšysia pamočnikam sakratara Rady Biaśpieki Mikałaja Patrušava. Padčas razmovy surazmoŭca Navalnaha paviedamiŭ jamu detali atručvańnia.
Navalny: «Ja patelefanavaŭ svajmu zabojcu. Jon va ŭsim pryznaŭsia»
