U prahramie «Kłub redaktaraŭ» na BT padviali vyniki hoda.
«Kali kazać ab palityčnych vynikach hoda, to hałoŭny vynik — heta sapraŭdy toje, što sproba dziaržaŭnaha pieravarotu ŭ krainie pravaliłasia, — kazaŭ deputat i lidar ŁDPB Aleh Hajdukievič. — Mnohija našy palityki dahetul žyvuć žniŭniem, a ŭžo kaniec śniežnia — my chutka budziem sustrakać Novy hod. Pryjšoŭ čas źbirać kamiani, tamu što nie budzie hvałtoŭnaha źviaržeńnia ŭłady, rašeńnia losu Biełarusi na vulicy. Ułada nikudy nie sydzie i nie ŭciače — heta ŭsio kazki, što vidavočna i zrazumieła», — padkreśliŭ jon.
Pa jaho słovach, apošnija miesiacy pakazali, što źniešni ŭpłyŭ na Biełaruś budzie ŭzmacniacca. Heta paćviardžaje i ŭviadzieńnie Jeŭrasajuzam sankcyj. «Narešcie my zrazumieli, što treba prymać zakon ab zamiežnych ahientach, što treba pastavić zasłon suprać finansavańnia lubych palityčnych inicyjatyŭ u krainie, tamu što heta zaŭsiody adstojvańnie čužych intaresaŭ», — skazaŭ Hajdukievič.
Zakon ab zamiežnych ahientach byŭ nie tak daŭno pryniaty ŭ Rasii. Da «zamiežnych ahientaŭ» buduć adniesienyja fizičnyja asoby, jakija zajmajucca palityčnaj dziejnaściu ŭ RF, atrymlivajučy hrošy na svaju dziejnaść z-za miažy. U adpaviednaści z zakonam, jany abaviazany davać spravazdaču ab vydatkavanych hrošach i markiravać publikacyi. Taksama im zabaroniena zajmać dziaržaŭnyja pasady.
Čytajcie taksama: Aleh Hajdukievič: Maja žonka try dni płakała, kali pabačyła, što rabiłasia paśla 9 žniŭnia
