Milicyja prymie ŭsie miery, kab nie dapuścić nivodnaha nadzvyčajnaha zdareńnia ŭ navahodnija śviaty, zajaviła aficyjny pradstaŭnik MUS Volha Čamadanava ŭ efiry BT, paviedamlaje BiełTA.
«Uzmocnieny varyjant (niasieńnia słužby) faktyčna praciahvajecca», — skazała Volha Čamadanava.
Aficyjny pradstaŭnik MUS źviarnułasia da žycharoŭ krainy i haściej, jakija pryjeduć na navahodnija śviaty, z prośbaj z razumieńniem stavicca da niekatorych mierapryjemstvaŭ, jakija buduć pravodzić supracoŭniki milicyi. Havorka idzie ab prapusknym režymie, ab nadhladnych mierapryjemstvach, patłumačyła Čamadanava, udakładniŭšy, što hetyja miery prymajucca «vyklučna ŭ metach biaśpieki».
U minułyja hady kala navahodnich jalin ludzi źbiralisia svabodna. Zachady hetaha hoda mohuć być źviazanyja z žadańniem uładaŭ nie dapuścić masavych akcyj pratestu suprać režymu Alaksandra Łukašenki na Novy hod.