U efiry telekanała «Biełaruś 1» prahučała infarmacyja pra toje, što polskija śpiecsłužby sprabavali zavierbavać biełaruskaha dypłamata i vajskoŭca, piša Interfaks.
«U listapadzie-śniežni supracoŭniki vajennaj kontrvyviedki šantažom, podkupam i pahrozami sprabavali schilić da zdrady pamočnika vajskovaha ataše, abiacali poŭny pansijon: hrošy, nieruchomaść, novaje žyćcio ŭ adnoj z krain ES. Dypłamat nie zavahaŭsia i atrymaŭ ultymatum: pakinuć dypmisiju ŭ Varšavie», — prahučała ŭ efiry telekanała ŭ niadzielu.
Pavodle BT, jašče adnamu «kadravamu aficeru, jaki prachodziŭ u Polščy moŭnyja kursy, taja ž śpiecsłužba prapanavała vybar — stać infarmataram ci nadoŭha zabycca pra vizity ŭ ES».
«Aficer padumaŭ i paviedamiŭ pra sproby viarboŭki ŭ Minsk», — paviedamili ŭ efiry. Tam taksama adznačyli, što «naš MZS pa abodvuch faktach užo adreahavaŭ».
«Darečy, partniory vypadki pryznali, ale pasprabavali zamiać skandał», — prahučała ŭ efiry dziaržTB.