Alaksiej Kudzin padčas akcyi 10 žniŭnia. Fota Nastaśsi Utkinaj, Rehijanalnaja hazieta
«Jon nie zachacieŭ prymać status palityčnaha biežanca ŭ Jeŭropie. Jon viarnuŭsia ŭ brackuju nam krainu. Pravioŭ niekalki dzion u manastyry. Jon zachacieŭ być bližej da svaich dziaciej, svajoj siamji i svaim siabram. Siońnia jon napisaŭ list na imia Hienieralnaha prakurora z prośbaj prypynić jaho ekstradycyju tak jak heta pahražaje jaho zdaroŭju i jaho žyćciu», — rasskazaŭ jaho siabra Vadzim Kyrniała.
Čempijon śvietu pa kikboksinhu i tajskim boksie Alaksiej Kudzin braŭ udzieł u žnivieńskich pratestach u Maładziečnie, u jakim žyvie. Jaho zatrymali, i Alaksiej niekalki tydniaŭ pravioŭ u śledčym izalatary ŭ Žodzinie. Paśla jaho pieraviali pad chatni aryšt 21 žniŭnia.
19 listapała ŭ Maładziečnie pavinien byŭ raspačacca sud. Kudzina abvinavačvali pa častcy 2 artykule 363 Kryminalnaha kodeksa — «Supraciŭleńnie supracoŭniku orhanaŭ unutranych spraŭ abo inšaj asobie, jakija achoŭvajuć hramadski paradak». Maksimalnaja sankcyja — da piaci hod pazbaŭleńnia voli.
Ale na pasiadžeńnie Alaksiej nie źjaviŭsia. Stała viadoma, što jon pakinuŭ Biełaruś. Paśla jon daŭ intervju, dzie raspavioŭ pra akaličnaści padziej u Maładziečnie i svaje ŭcioki.
«Usich niuansaŭ svajho pierakidańnia za kardon ja raskryć nie mahu». Bajec Kudzin, jaki adpraviŭ siłavika ŭ nakaŭt, daŭ pieršaje intervju paśla ŭciokaŭ
