Fota https://ru.wikipedia.org/
Praź niekalki tydniaŭ paśla taho, jak Iłan Mask staŭ najbahaciejšym čałaviekam u śviecie, jon zajaviŭ pra hatoŭnaść achviaravać sto miljonaŭ dalaraŭ tamu, chto budzie zdolny prydumać najlepšuju technałohiju ŭłoŭlivańnia i zachavańnia vuhlarodu.
Hienieralny dyrektar Tesla, jaki abahnaŭ Džefa Biezasa, zasnavalnika Amazon.com, u rejtynhu samych bahatych ludziej płaniety, udakładniŭ, što padrabiaznaja infarmacyja pra jaho płan padtrymki novych technałohij źjavicca na nastupnym tydni.
49-hadovy pradprymalnik rodam z Paŭdniovaj Afryki ŭžo daŭno śćviardžaje pra nieabchodnaść abaranić płanietu ad źmieny klimatu. Adnak da ciapierašniaha času bolš prymalisia miery pa skaračeńni vykidaŭ hazu ŭ atmaśfieru, čym dla źmianšeńnia biahučaha ŭzroŭniu vuhlarodu ŭ pavietry.
Technałohija ŭłoŭlivańnia i zachavańnia vuhlarodu nakiravana na toje, kab vyciahvać vuhlarodny haz z atmaśfiery i zachoŭvać jaho ŭ biaśpiečnych miescach, naprykład, pad ziamloj. Padobnaja technałohija abychodzicca zadoraha, ale ŭžo jość kampanii, jakija ekśpierymientujuć z takimi sistemami.
Akramia Tesły, Iłan Mask taksama ŭznačalvaje takija vysokatechnałahičnyja kampanii, jak SpaceX, što zajmajecca raspracoŭkaj rakiet, i Neuralink, jakaja zajmajecca vyrabam niejrakampjutarnych interfiejsaŭ.
Niahledziačy na toje što Iłan Mask padpisaŭ klatvu dareńnia, jon zrabiŭ adnosna mała dla dabračynnaści. Sam pradprymalnik adznačaje, što jaho imknieńnie nazapašvać bahaćcie źviazana z žadańniem pieranakiravać srodki na asvajeńnie kosmasu. «Spatrebicca šmat resursaŭ, kab pabudavać horad na Marsie», — skazaŭ jon u adnym sa svaich intervju.
