Fota Depositphotos.com
Šviejcarac Majkł Vurmser i jaho partniory zasnavali Norge Mining u Vialikabrytanii ŭ 2018 hodzie i z taho času pačali daśledavać hlebu ŭ małazasielenym paŭdniova-zachodnim narviežskim rehijonie Dałane.
Narviežskija radoviščy vyklikali intares u ES, bo fosfar, vanadyj i tytan znachodziacca ŭ śpisie redkaj syraviny, piša Onet.pl.
U ciapierašni čas vanadyj pretenduje na zvańnie syraviny budučyni: užo siońnia kala adnoj dziasiataj zdabytaha ŭ śviecie vanadyju vykarystoŭvajecca dla vytvorčaści batarej. Batarei z vanadyju našmat lepšyja za batarei ź lityju: ich možna zaradžać chutčej i čaściej, ale pry hetym jany nie hublajuć mahutnaści. Bolš za toje, ich možna zdać na druhasnuju pieraapracoŭku.
Tytan adyhryvaje važnuju rolu ŭ staleliciejnaj pramysłovaści, a fasfaryty nieabchodnyja dla vytvorčaści ŭhnajeńniaŭ.
Pieršapačatkova kampanija Norge Mining aceńvała hłybiniu zaležniaŭ u 300-400 mietraŭ. Ale paśla daśledavańniaŭ stała viadoma, što hłybinia, dzie znachodziacca redkija vykapni, moža dasiahać ad 2200 da 4500 mietraŭ. Majkł Vurmser śćviardžaje, što heta buduć najvialikšyja ŭ śviecie pakłady fasfarytaŭ, bolšyja, čym u Rasii, Maroka i Kitai.
Na ciapierašni momant viadziecca padrychtoŭka da hornazdabyŭnych rabot. Pačać zdabyvać karysnyja vykapni płanujecca dzieści praz 5 hadoŭ.
Majkł Vurmser nazyvaje radovišča Dałane prajektam, dzie stratehična važnaj syraviny chopić na sto hadoŭ.
Kiraŭnik kampanii śćviardžaje, što za prajektam uvažliva sočyć nie tolki ES, ale i Kitaj. Jon padazraje, što ŭ Kitaja jość namier vykupić kampaniju Norge Mining, ale pra heta nie moža być i havorki, bo narviežskaje radovišča — važny elemient u dasiahnieńni klimatyčnaj niejtralnaści ŭ krainach ES, pierakanany Majkł Vurmser.
Kancepcyja klimatyčnaj niejtralnaści aznačaje, što vykidy parnikovych hazaŭ u atmaśfieru dziaržavaj abo pradpryjemstvam roŭnyja nulu abo hetyja vykidy niejtralizujucca šlacham vydaleńnia parnikovych hazaŭ z pavietra — za košt pasadki novych lasoŭ abo z dapamohaj technałohij ŭłoŭlivańnia vuhlarodu.
