Abarona eks-kiraŭnika «Biełhazprambanka» Viktara Babaryki dahetul nie atrymała aficyjnaha paviedamleńnia ab nakiravańni spravy svajho padabaronnaha ŭ sud i nie viedaje, dzie i kali jano budzie razhladacca.
«My, naturalna, viedajem, što jana tam (u Viarchoŭnym sudzie), ale pa telefonie mnie nie dajuć nijakich źviestak — budzie jana razhladacca tam ci ŭ inšym sudzie», — paviedamiŭ Interfaksu-Zachad advakat Babaryki Dźmitryj Łajeŭski.
Pavodle jaho słoŭ, jość vierahodnaść, što jana budzie pieradadziena ŭ sud nižejšaj instancyi.
«Zakon dazvalaje Viarchoŭnamu sudu razhladać lubuju spravu. Ale na praktycy heta zdarajecca tady, kali adzin z abvinavačanych źjaŭlajecca dziaržsłužačym vysokaha ŭzroŭniu abo jość dziaržaŭnaja tajamnica. Ničoha takoha ja tut nie baču», — skazaŭ advakat.
