Prybyŭšy pa adrasie na vulicu Kasmanaŭtaŭ, achoŭniki ŭbačyli: lažyć mužčyna sa šmatlikimi ranieńniami. U kvatery byŭ jašče adzin mužčyna, jakoha adrazu ž zatrymali.
U chodzie raźbiralnictva stała viadoma, što biespracoŭny 37-hadovy haspadar kvatery, raniej sudzimy za złosnaje chulihanstva, zabojstva i niezakonny abarot narkotykaŭ, zaprasiŭ u hości 35-hadovaha maładziečanca. Śpirtnoje ŭžyvaŭ tolki haspadar. Jamu nie spadabałasia, što jaho hość zaźbiraŭsia sychodzić dadomu. Tady haspadar, razmachvajučy kuchonnym nažom, uhavorvaŭ hościa zastacca. Hość spałochaŭsia. Pamiž mužčynami ŭspychnuŭ kanflikt, padčas jakoha hość dastaŭ z kišeni ścizoryk i nanios haspadaru kvatery try ŭdary ŭ korpus i adzin — u šyju, paśla čaho sam paviedamiŭ pra vypadak u milicyju.
Zaviali kryminalnuju spravu pa častcy 1 artykule 139 KK Respubliki Biełaruś «Zabojstva». Padazravany — u IČU.
