Fota Depositphotos.com
Vialikabrytanija aficyjna padaść zajaŭku na ŭstupleńnie ŭ vialikuju zonu svabodnaha handlu, jakaja ŭklučaje Aŭstraliju, Kanadu, Japoniju, Sinhapur i inšyja krainy, paviedamlaje The Independent.
Elizabiet Tras zajaviła, što ŭ paniadziełak Vialikabrytanija paprosić stać členam Tranścichaakijanskaha partniorstva. Pieramovy, vierahodna, pačnucca viasnoj.
Pa źviestkach urada, letaś handal z krainami partniorstva abyšoŭsia Vialikabrytanii ŭ 111 miljardaŭ funtaŭ sterlinhaŭ.
Ministerstva mižnarodnaha handlu Vialikabrytanii śćviardžaje, što dałučeńnie da Tranścichaakijanskaha partniorstva źnizić pošliny na napoi, pradukty charčavańnia i aŭtamabili, a taksama pašyryć dostup na rynki Mieksiki, Novaj Ziełandyi i Vjetnama, jakija źjaŭlajucca členami partniorstva.
Siarod inšych pieravah taksama bolš tannyja vizy i bolš zručnyja ŭmovy dla padarožžaŭ u krainy Tranścichaakijanskaha partniorstva.
Akramia hetaha, Elizabiet Tras adznačyła, što dałučeńnie da pakta stvoryć novyja mahčymaści dla brytanskaha biznesu, jakich nie było, kali Vialikabrytanija znachodziłasia ŭ składzie ES.
Premjer-ministr krainy Borys Džonsan zajaviŭ, što zajaŭka na ŭstupleńnie ŭ partniorstva «demanstruje imknieńnie Vialikabrytanii vieści biznes na lepšych umovach z našymi partniorami va ŭsim śviecie i być prychilnikam hłabalnaha svabodnaha handlu».
Adnak cieniavaja ministarka mižnarodnaha handlu Emili Tornbiery zadałasia pytańniem, navošta Vialikabrytanija vyjšła z handlovaha błoka ES, a ciapier śpiašajecca dałučycca da inšaj handlovaj zony na inšym baku śvietu biez značnych hramadskich kansultacyj. «Jak i ŭ vypadku luboha handlovaha pahadnieńnia, pieravahi dałučeńnia da Tranścichaakijanskaha partniorstva musiać być acenienyja tolki paśla taho, jak my ŭbačym prapanavanyja ŭmovy», — kaža Tornbiery.
