Na praciahu dnia siłaviki zatrymali kala 170 čałaviek. Absalutnaja bolšaść ź ich budzie čakać suda na Akreścina.
Hałoŭnym miescam zatrymańnia byŭ praśpiekt Niezaležnaści. Sprava ŭ tym, što pa telehram-kanałach pašyraŭsia zaklik pravieści «pratesnyja hulańni» — biez anijakaj simvoliki špacyravać z 14:00 da 15:00 pamiž hatelem «Minsk» i Kastryčničnickaj płoščaj.
U vyniku siłaviki advolna chapali ludziej, jakija apynulisia ŭ hety čas u hetym miescy.
Zatrymańni kala HUMa
Adzinkavyja zatrymańni byli i ŭ inšych rajonach Minska, dzie miascovyja žychary ładzili dvarovyja maršy.
Siarod viadomych asobaŭ zatrymanyja top-mieniedžary kampanii «Zubr Kapitał» Mikałaj Šastak i Jaŭhien Bačyščaŭ. Taksama nie viarnułasia dachaty Natalla Josub, dačka viadomaha ekanamista Vadzima Josuba.
Siarod zatrymanych — renthienołah, zahadčyca renthienaŭskaha adździaleńnia ŭ RNPC «Kardyjałohija» Taćciana Iljina. Jana ŭ Maskoŭskim RUUS.
Taksama zatrymany doktar-ankołah Minskaha haradskoha kliničnaha ankałahičnaha dyspansiera Dźmitryj Burałkin i doktar-aniestezijołah dziciačaha chirurhičnaha centra Śviatłana Łazarava razam z mužam. A taksama doktar-aftalmołah 5-j haradskoj kliničnaj palikliniki Marchanava Volha.
Akcyja žycharoŭ kvartała Pulichava — Zacharava
