Sastaŭ z vajskovaj technikaj ruchaŭsia ad Minska ŭ bok Oršy. Na videa vidać połymia na adnym z tankaŭ na čyhunačnaj płatformie.

«Heta akt hramadzianskaha niepadparadkavańnia! Tank T-72, 120-ja dyvizija», — piša aŭtar videa, raźmieščanaha na telehram-kanale «Basta».

«Usim, chto chvalujecca za «padpaleny tank», niepaškodžany 111-y pieradaje pryvitańnie z palihona! Zaŭtra — u navučalny boj», — paviedamili ŭ Minabarony. Z hetaha paviedamleńnia vynikaje, što niejki incydent mieŭ miesca, ale tank nie vyjšaŭ z ładu.

Na kalehii Ministerstva ŭnutranych spraŭ namieśnik ministra Juryj Nazaranka paviedamlaŭ, što ŭ krainie ŭ 2020 hodzie byŭ «zarehistravany 161 fakt supraćpraŭnych zamachaŭ» na abjekty čyhunki». Viadoma pra zatrymańnie jak minimum dźviuch padpolnych hrup, jakija ŭčyniali drobnyja i biasškodnyja, skiravanyja na prostuju zatrymku ruchu, akty sabatažu na čyhuncy. Miarkujučy pa najaŭnaj infarmacyi, dvuch čałaviek zatrymali ŭ Maładziečanskim, vialikuju hrupu — u Bresckim i Kobrynskim rajonach. 

Клас
0
Панылы сорам
0
Ха-ха
0
Ого
0
Сумна
0
Абуральна
0