Janu Sałanoviču 21 hod, jon vučyŭsia na inžyniera ŭ BDUIR. 1 listapada jaho zatrymali na niadzielnym mirnym maršy ŭ Kurapaty, paśla čaho pačali biaskonca nakidvać sutki. Ahułam nabiehła 114 sutak.
Reč u tym, što ŭletku Jana ŭziali na pałovu staŭki ŭ Navukova-techničny centr Kamiteta dziaržaŭnaj biaśpieki, a pryznańnie ŭ naviedvańni 15 mitynhaŭ jon daŭ u KDB — heta i stała padstavaj dla sudovaha kanviejera.
U izalatary Sałanoviču stvarali nievynosnyja ŭmovy, nie puskali na prahułki, miesiac jon nie byŭ u dušy.
Ale 25 studzienia chłopca adpuścili z Akreścina biez tłumačeńnia pryčyn, chacia jon mieŭ vyjści tolki 23 lutaha.
Jak stała viadoma «Našaj Nivie», Jan vyjechaŭ z krainy.
«Tak, znachodžusia za miažoj. Vyjechaŭ ź Biełarusi ciaham 12 hadzin paśla vyzvaleńnia», — skazaŭ nam Sałanovič.
Chłopiec pracavaŭ u KDB i chadziŭ na Maršy. Ciapier jamu biaskonca dajuć sutki
Byłoha studenta Jana Sałanoviča, jaki siadzieŭ na sutkach z 1 listapada, niečakana vypuścili z Akreścina
