Fota Depositphotos.com
Kamiła Achmadzi asudzili ŭ Iranie 2 miesiacy tamu za «supracoŭnictva z varožym uradam». Navukoŭca abvinavacili ŭ supracy z arhanizacyjaj, jakaja atrymlivała finansavańnie ad ZŠA. Vučony admaŭlaje svaju vinu. Jon źbieh z-pad chatniaha aryštu — jamu ŭdałosia ščaśliva pierajści miažu ŭ harach i dabracca da Vialikabrytanii, piša BBC.
Daśledavańni Kamiła Achmadzi byli pryśviečanyja dziciačym šlubam u Iranie. Heta pryciahnuła ŭvahu iranskaj ułady, bo akademik zaklikaŭ pavysić uzrost, ź jakoha dziaŭčaty mohuć ustupać u šlub (ciapier u Iranie dziaŭčat mohuć addavać zamuž z 13 hadoŭ).
Kamił Achmadzi pierakanany, što jaho aryšt u 2019 hodzie tłumačycca jašče i dvajnym hramadzianstvam. Takim čynam urad Irana chacieŭ adpomścić Vialikabrytanii za aryšt iranskaha naftavaha tankiera kala Hibrałtara.
Nieviadoma, jak na heta adreahuje Tehieran i jak heta paŭpłyvaje na inšych žycharoŭ z dvajnym hramadzianstvam.
