«Ihar praciahvaje znajomicca z materyjałami spravy ciapier, — raskazvaje Darja Łosik. — Čamuści pierastali chadzić listy. I da jaho maje nie dachodziać, i mnie ad jaho. Čamu tak adbyvajecca, nie viedaju. Apošni list ad Ihara ja atrymała 8 sakavika. U Ihara ź listami ŭvohule tuha, nie tolki z maimi. Advakat ciapier jeździć da Ihara na aznajamleńnie sa spravaj.
Na zdaroŭje Ihar nie skardzicca, ale nastroj tak sabie ŭ jaho, kali ščyra. Ničoha viasiołaha niama, Ihar u miełancholii takoj. Jon stamiŭsia ad usiaho. Viedaje, da čaho rychtavacca, ale aptymizmu jamu heta nie dadaje».
Pa słovach Darji, data pačatku suda pa spravie Ihara Łosika pakul nieviadomaja navat pryblizna. Advakat Dźmitryj Lepretar pad padpiskaj ab nierazhałošvańni. Tamu navat treci artykuł abvinavačvańnia, vystaŭlenaha Iharu Łosiku, zastajecca pakul tajamnicaj.
