Ab mahčymym zatrymańni 50-hadovaha žychara Mikaševič Łuninieckaha rajona paviedamiła pres-słužba MUS 30 sakavika. Nibyta, mužčyna zaklikaŭ palić supracoŭnikaŭ milicyi, piša «Pieršy Rehijon».
Mužčynu pahražaje štraf, abo aryšt, abo abmiežavańnie voli na termin da piaci hadoŭ, abo pazbaŭleńnie voli na toj ža termin.
Pa infarmacyi «Pieršaha Rehijonu», zatrymany — miascovy aktyvist Leanid Dubanosaŭ. Jon staŭ viadomy paśla taho, jak u śniežni 2011 hoda na mikaševickim pradpryjemstvie «Hranit» vybuchnuŭ skandał. Sotni rabočych zajavili, što vychodziać z aficyjnaha prafsajuza i stvarajuć supołku niezaležnaha prafsajuza.
Siarod pratestoŭcaŭ byŭ i Leanid Dubanosaŭ. Pratest rabočych praź niekatory čas zmahli patušyć, a lidaraŭ zvolnili z pradpryjemstva, u tym liku i Dubanosava. Jon adpracavaŭ na pradpryjemstvie 20 hadoŭ, paśla zvalnieńnia na «Hranit» jamu ŭładkavacca ŭžo nie ŭdałosia.
Paśla tych padziej Leanid Dubanosaŭ dałučyŭsia da kampanii Biełaruskaj sacyjał-demakratyčnaj partyi (Hramada), udzielničaŭ u miascovych vybarach u jakaści kandydata.
Apošnim časam Leanid Dubanosaŭ byŭ na zarobkach u Polščy. Jon viedaŭ, što suprać jaho raspačataja kryminalnaja sprava, da jaho dadomu prychodzili supracoŭniki ź pieratrusam.