U Biešankovičach žychary mikrarajona vulicy Maładziožnaj masava skardziacca na jakaść vodapravodnaj vady. Paviedamlajecca, što ŭ balnicu z atručvańniem trapiła jak minimum 5 dziaciej. Biešankovicki rajvykankam na svaim sajcie paćvierdziŭ hetuju infarmacyju.
Jak paviedamiŭ namieśnik staršyni rajvykankama Viktar Hryšan, da prablem ź jakaściu vady pryviała avaryja na vodapravodnych sietkach u noč z 29 na 30 sakavika.
Na miesca zdareńnia vyjechała avaryjnaja bryhada, adnaŭlenčyja raboty praciahvajucca. Da damoŭ arhanizavali padvoz pitnoj vady ŭ cysternach.
Namieśnik staršyni rajvykankama Viktar Hryšan nie rekamiendavaŭ vykarystoŭvać vodapravodnuju vadu dla pićcia.
Miascovyja žychary aktyŭna abmiarkoŭvajuć situacyju ŭ sacsietkach i dzielacca infarmacyjaj, što vypadkaŭ atručvańnia ŭ horadzie značna bolš.