Jak ciapier možna budzie atrymlivać časopisy? Dajom adkazy.
Jak možna budzie padpisacca na časopisy?
My zapuskajem ułasnuju sistemu padpiski. Padobnaja schiema dziejničała ŭ 2006—2008, kali «Našu Nivu» vykinuli z kijoskaŭ i padpiski.
Kali vy chočacie atrymlivać časopisy (pačynajučy z №7, ad lipienia), prosta zaraz pierajdzicie pa spasyłcy i zapoŭnicie huhł-ankietu z kantaktnymi źviestkami. Treba ŭkazać imia, adras dastaŭki i telefon. Pakul płacić ničoha nie treba — hetyja źviestki patrebnyja nam, kab raźličyć nakład nastupnych numaroŭ.
Bližej da lipienia zapracuje sajt «Naša krama» (nashakrama.by), na jakim možna budzie apłacić padpisku na luby z časopisaŭ całkam na druhoje paŭhodździe ci na luby ź miesiacaŭ. Na druhoje paŭhodździe košt «Našaj historyi» pa padpiscy budzie składać 7 rubloŭ za numar (35 rubloŭ, kali padpisvajeciesia adrazu na paŭhoda), košt «Aściarožna: dzieci!» i «Dudu» — pa 3 rubli (15 rubloŭ, kali padpisvajeciesia adrazu na paŭhoda).
Kali naš sajt zapracuje, my nahadajem vam, što ŭžo možna aformić padpisku.
Ja nie chaču padpisvacca. Ci zmahu ja kupić časopisy niedzie tak?
My płanujem pradavać u Minsku śviežy numar «Našaj historyi» dva dni na miesiac pa redakcyjnym adrasie Enhielsa, 34a. Pra daty takich prodažaŭ budziem paviedamlać na sajcie «NN» i ŭ sacsietkach. Śviežy numar my budziem pradavać u hetyja piatnicu (z 14:00 da 20:00) i subotu (z 10:00 da 18:00). Numar cudoŭny, adzin z najmacniejšych, čakajem vas, nie paškadujecie.
U nas možna budzie kupić jak novy numar, tak i raniejšyja (ale jany raskuplajucca chutka, bolšaści nie zastałosia nivodnaha asobnika).
Aproč taho, časopisy možna nabyć u kniharniach, u niekatorych supiermarkietach i ŭ pryvatnych raspaŭsiudnikaŭ.
Minsk
- «Rahna» (vuł. Suchaja, 4, mietro «Frunzienskaja»)
- Handlovy centr «Kupałaŭski» (pad Kastryčnickaj płoščaj), kramy 41-42 i 44-45
- «Halijafy» (vuł. Niamiha, 3, krama №47 na cokalnym paviersie)
- «Akademkniha» (na stancyi mietro «Akademija navuk»)
- Filijał «Akademknihi» na vuł. Bahdanoviča, 46
- Knižny kirmaš pa vuł. Daŭmana, 23 (subota 00.00-14.00), miesca 78b
- «Knižnaja šafa» (pr. Dziaržynskaha, 9) dy inšyja
Poštaj ci z dastaŭkaj na dom
Anłajn praz Mmkut.by, Kniganosha.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia».
Viciebsk
«Śvietač» (vuł. Kirava, 10) dy inšyja
Babrujsk
«Krynica viedaŭ» (vuł. Horkaha, 31).
Nahadvajem, što naš časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
U mianie niama bankaŭskaj kartki, jak ja zmahu apłacić padpisku?
Vy zmožacie apłacić časopisy najaŭnymi hrašyma praz ARIP na poštach i ŭ bankach, u infakijoskach i terminałach. Takaja mahčymaść źjavicca, kali zapracuje «Naša krama» (nashakrama.by) i vy aformicie zamovu praz hety sajt.
Aproč taho, my prapanujem usim achvotnym aformić padpisku i raspłacicca najaŭnymi, kali vy pryjdziecie da nas u Redakcyju na rasprodaž časopisaŭ. Košt «Našaj historyi» pa padpiscy budzie składać 7 rubloŭ za numar (35 rubloŭ, kali padpisvajeciesia adrazu na paŭhoda), košt «Aściarožna: dzieci!» i «Dudu» — pa 3 rubli (15 rubloŭ, kali padpisvajeciesia adrazu na paŭhoda). Zaniasiom vašy źviestki ŭ bazu i dašlom śviežy časopis, kali jon vyjdzie.
Ja žyvu za miažoj, jak ja mahu atrymać časopis?
Dastaŭku za miežy Biełarusi ažyćciaŭlajuć internet-kramy Mmkut.by, Kniganosha.by, Halijafy.by, Kniger.by, Akademkniga.by, Ragna.by. Albo možacie zakazać PDF-viersiju praz kramu Arche.
U mianie ŭžo aformlenaja padpiska «Biełpošty» na krasavik-červień. Ja atrymaju časopisy?
Tak, «Biełpošta» abiacaje dastaŭlać časopisy da kanca paŭhodździa.
Ok, ź lipienia padpišusia ŭ vas, a što rabić z majem i červieniem?
Na hetyja miesiacy jašče možna padpisacca praz «Biełpoštu». Voś instrukcyja. Na maj i červień vy jašče zmožacie padpisać ludziej u turmach.
Ci možna na druhoje paŭhodździe padpisać viaźniaŭ?
Nie, heta niemahčyma. Časopis im možna budzie pieradavać tolki praz advakata, sa zhody śledčaha.
I jašče raz. Što mnie rabić prosta zaraz?
1) Pieradusim zarehistrujcie siabie i inšych ludziej, kaho vy chočacie padpisać, u našaj bazie padpisčykaŭ.
2) Dumajcie, dzie nabudziecie kruty №3 «Našaj Historyi» ź Mikołam Jermałovičam na vokładcy! Jon užo jość u prodažy.
O, vyjšaŭ novy numar «Našaj Historyi»? Vy budzie pradavać jaho ŭ siabie ŭ Redakcyi, jak i miesiac tamu?
Tak, my budziem centralizavana pradavać śviežyja numary ŭsich časopisaŭ, i histaryčnaha, i dziciačych, pa adrasie Enhielsa, 34a (redakcyja «Narodnaj Voli») dva dni:
- u piatnicu, 9 krasavika, z 14.00 da 20.00
- u subotu, 10 krasavika, z 10.00 da 18.00.
Heta samy centr Minska, litaralna 400 mietraŭ ad mietro «Kupałaŭskaja» i «Kastryčnickaja», bieły dom z murałam.
Kali łaska, padrychtujcie najaŭnyja hrošy (naš kasavy aparat nie prymaje apłatu kartkaj). Časopis kaštuje 7 rubloŭ. Kali brać try asobniki, to sa źnižkaj — 20 rubloŭ. Dziciačyja časopisy (taksama vyjšli śviežyja numary) budziem pradavać pa 2,5 rubli za numar.
Pryjdzicie i kupicie časopis — dla siabie i dla svajakoŭ, susiedziaŭ, siabroŭ, kaleh pa pracy.
Čytajcie dobryja, razumnyja, jakasnyja vydańni, čytajcie pa-biełarusku, rajcie ich susiedziam i kaleham.
Nahadajem zaadno, jak padtrymać pracu žurnalistaŭ «Našaj Nivy»:
1. Pieraličyć hrošy praz Kłub Našaj Nivy. Treba zarehistravacca praz sacsietki ci hmejł, vybrać Hibki płan i lubuju sumu (na fota).
2. Apłata praz ARIP ź luboj biełaruskaj kartki: Błahotvoritielnosť, obŝiestviennyje objedinienija — Prośvietitielskije, kulturno-dosuhovyje — Sorodiči. Albo numar pasłuhi 4346851.
