spring96.org

spring96.org

13 lutaha hetaha hoda na fasadzie doma pa vulicy Višniova ŭ Breście źjaviŭsia nadpis farbaj čyrvonaha koleru «No izbavi nas ot łukavoho» z malitvy «Ojča naš». Čałavieka, jaki zrabiŭ hety nadpis, zatrymali. Im akazaŭsia 32-hadovy žychar Bresta Andrej Levaniuk.

26 lutaha jaho asudzili na «sutki» pa art. 23. 34 KaAP, paličyŭšy nadpis pikietavańniem. Nieŭzabavie rašeńnie było admieniena ŭ suviazi z zaviadzieńniem kryminalnaj spravy pa art. 341 (Apahanieńnie zbudavańniaŭ i psavańnie majomaści) KK Biełarusi. Śledstva i prakuratura paličyli, što nadpis byŭ zrobleny «ŭ metach demanstracyi niezadavolenaści vynikami vybaraŭ prezidenta Respubliki Biełaruś», a nadpis źjaŭlajecca «cyničnym» i paciahnuŭ «paharšeńnie estetyčnaha ŭsprymańnia budynka».

ŽES acaniŭ škodu ŭ 51 rubiel 99 kapiejek. Abvinavačany kampiensavaŭ jaho jašče padčas papiaredniaha rasśledavańnia.

U sudzie abvinavačany Andrej Levaniuk pahadziŭsia z tym, što nadpis pakinuŭ mienavita jon. Ale jon adznačyŭ, što nie zhodny z paniaćciem «paškodžańnie majomaści», tamu što majomaść nieadnarazova «paškodžvałasia» da jaho — užo byli nadpisy i inšyja vyjavy. Sa słoŭ mužčyny, u suviazi z hetym ŽKH usio ž daviałosia pierafarbavać budynak. Mužčyna vykazaŭ ździŭleńnie z nahody taho, nakolki cyničnym moža być radok z malitvy.

Sudździa prysudziŭ chłopca da miesiaca aryštu. Takoje pakarańnie i prasiŭ prakuror.

Клас
Панылы сорам
Ха-ха
Ого
Сумна
Абуральна