Hałoŭny redaktar «Haziety Słonimskaj» Mikałaj Kananovič 7 krasavika byŭ vyklikany ŭ miascovaje adździaleńnie milicyi ŭ suviazi z pravierkaj, jakuju pravodziać pravaachoŭniki, paviedamlaje BAŽ.
Pavodle milicyi, na sajcie vydańnia znajšli publikacyju, jakaja źmiaščaje repost telehram-kanała, jaki ŭłady pryznali ekstremisckim.
Siońnia Mikałaja Kananoviča apytali ŭ miežach pravierki, ale na nastupnym tydni vyklikajuć u milicyju znoŭ.
Drukavanaja viersija «Haziety Słonimskaj» była vymušanaja spynić vychad jašče ŭvosień, kali ŭ redakcyi adbyŭsia pieratrus i ŭ vydańnia zabrali techniku.
