Tut.by
Kanflikt pamiž 18-hadovym chłopcam i 15-hadovym školnikam pačaŭsia paśla Novaha hoda: małodšy zastupiŭsia za svaju siastru, pa vinie jakoj starejšy raźbiŭ svoj smartfon. Školnik prapanavaŭ častkova pakryć škodu, ale praź miesiac.
Termin skončyŭsia, a hrošy chłopiec tak i nie viarnuŭ. U vyniku ŭładalnik raźbitaha smartfona, zaručyŭšysia padtrymkaj 17-hadovaha tavaryša, pajšoŭ da baćkoŭ daŭžnika i zapatrabavaŭ u ich sumu, jakaja ŭdvaja pieravyšała raniejšuju. Darosłyja admovili jamu i papiaredzili, što paviedamiać ab vymahalnictvie ŭ milicyju.
Paśla hetaha junaki advažylisia na krajnija miery: u chod puścili pnieŭmatyčny pistalet, streliŭšy niekalki razoŭ u pavietra i pa nahach školnika.
Maładych ludziej zatrymali i raspačali kryminalnuju spravu za prymus da vykanańnia abaviazacielstvaŭ, ździejśnienaje hrupaj asob z užyvańniem hvałtu, nie niebiaśpiečnaha dla žyćcia abo zdaroŭja (č. 2 art. 384 KK) — im pahražaje ad dvuch da šaści hadoŭ.
