BiełTA
Biełaruś raźličvaje ŭ mai 2021 hoda zaviaršyć pracu z Rasijskaj Fiederacyjaj pa ŭzhadnieńni darožnych kart pa intehracyi. Pra heta paviedamiŭ žurnalistam u čaćvier pasoł Uładzimir Siamaška paśla sustrečy z členami ŭrada Arenburhskaj vobłaści padčas vizitu ŭ rehijon, piša TASS.
«My ciapier pracujem, užo va ŭsich na słychu darožnyja karty, ja pavinien prainfarmavać, što my ŭžo blizkija da taho, kab hetyja darožnyja karty byli skončanyja. Na siońniašni momant z 28 21 karta ŭzhodniena, zastałosia prapracavać litaralna siem kart. <…> Ja vielmi spadziajusia, što my nie paźniej za maj narešcie ŭsie hetyja karty ŭzhodnim, uzhodnim novuju prahramu ruchu našaj Sajuznaj dziaržavy i pryncypova novuju płatformu, bo ekanamičnaja płatforma budzie stvorana, a heta važna», — skazaŭ Siamaška.
Pavodle jaho słoŭ, idzie praca pa stvareńni ekanamičnaha bazisu Sajuznaj dziaržavy. Siamaška taksama anansavaŭ sustrečy ŭ Maskvie adkaznych za ŭzhadnieńnie intehracyjnych kart vice-premjeraŭ Rasii i Biełarusi i sustreču ŭ siaredzinie krasavika premjer-ministraŭ Ramana Hałoŭčanki i Michaiła Mišuścina. «Tam užo niejkija momanty, jakija nie ŭdałosia na ŭzroŭni namieśnikaŭ ministraŭ, ministraŭ vyrašyć, buduć vyrašany», — udakładniŭ jon.
Siamaška raniej zajaviŭ, što Maskva i Minsk mohuć zaviaršyć uzhadnieńnie pazastałych darožnych kart pa intehracyi da kanca krasavika. Pavodle jaho słoŭ, u hetym vypadku sami karty i prahramu ich realizacyi možna budzie padpisać u pieršaj pałovie hoda.
