Znachodziačysia z rabočaj pajezdkaj na Danbasie, prezident Ukrainy Uładzimir Zialenski naviedaŭ pazicyi na piarednim krai abarony, dzie zafiksavana najbolšaja kolkaść parušeńniaŭ režymu spynieńnia ahniu.
Zialenski pahutaryŭ z vajskoŭcami, jakija słužać na bajavych pazicyjach, tyja raspaviali pra situacyju na froncie.
Prysutnyja ŭšanavali chvilinaj maŭčańnia pamiać vajskoŭcaŭ, jakija zahinuli ŭ bajach za suvierenitet i niezaležnaść Ukrainy.
Zialenski ŭručyŭ ukrainskim abaroncam dziaržaŭnyja ŭznaharody i kaštoŭnyja padarunki. Jon taksama paabiedaŭ razam z vajskoŭcami ŭ sałdackaj stałovaj.
«Dziakuj vam za toje, što zachoŭvajecie spakoj ludziej i abaraniajecie našu ziamlu. Vy źjaŭlajeciesia sapraŭdnym prykładam hieraizmu i samaaddanaści. My pamiatajem kožnaha voina, jaki zahinuŭ, abaraniajučy našu dziaržavu», — skazaŭ Zialenski.
