Aficyjna — šukali brata Viačasłava Kasinierava ŭ miežach spravy pra «ŭchileńnie ad vajskovaj słužby», piša Svaboda.

Dniom 8 krasavika ŭ mienskaj kvatery Viačasłava i Maryny Kasinieravych prajšoŭ pieratrus, padčas jakoha apisali majomaść, u tym liku prynter i kanapu.

Jak raskazała Svabodzie Maryna, pry pieratrusie prysutničała maci Viačasłava. Jana pieradała, što choć padstavaj dla pieratrusu byli nibyta pošuki jahonaha brata ŭ miežach spravy pra «ŭchileńnie ad vajskovaj słužby», pra samoha Viačasłava «pytali bolš, čym niešta pra brata».

Viačasłaŭ Kasinieraŭ raskazaŭ na Facebook, što kapitan justycyi Małaščankaŭ sa Śledčaha kamitetu Maskoŭskaha rajonu nibyta zajaviŭ, što «maje honar prajścisia da prypynku z maci Kasinierava».

Maryna Kasinierava raskazała, što ŭ listapadzie minułaha hodu joj prychodziła pozva ŭ Śledčy kamitet, ale jana nia viedaje, u ramkach jakoj spravy. Jana dadała, što rehularna bačyć pahrozy na svoj adras u Telegram-kanałach.

Maryna i Viačasłaŭ Kasinieravy — aktyvisty anarchisckaha ruchu Biełarusi, ich nia raz karali za palityčnyja akcyi. U 2017 hodzie Viačasłava paŭtara miesiaca trymali za kratami, a paśla aštrafavali za piatlu na šyi pomnika «carskamu haradavomu» ŭ Miensku. U suviazi z tym źniavoleńniem jaho pryznavali palityčnym viaźniem. Kasinieravy taksama nieadnarazova zajaŭlali ab pravaparušeńniach siłavikoŭ adnosna inšych anarchistaŭ.

Ciapier Maryna i Viačasłaŭ za miežami Biełarusi, udzielničajuć u niekamercyjnaj inicyjatyvie padtrymki palitviaźniaŭ DissidentBy.

Što za Dissidentby? Raskazvajem pra inicyjatyvu, jakaja napramuju dapamahaje 465 palitviaźniam

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?